確實有點失望😪同太太慶祝結婚週年紀念, 上網睇了很多評語上葡京比較新, 且話服務很好,於是就揀選了上葡京也在trip.com remarks了慶祝結婚周年, 疫情前都經常去澳門放假玩下, 一年去幾次都會住新落成酒店感受下, 舊葡京及新葡京都住過。今次係疫情過後, 第一次到澳門。
因為結婚週年, 都想book定餐廳晚餐慶祝, 所以一早email酒店想幫手代book定無老鍋餐廳, 酒店email回覆沒有代book服務, 只提供了無老鍋餐廳booking link給我, 於是就自行book, 一入到link book晚餐只剩下5:00pm可以揀, 都冇辦法就book了5:00pm. 只是可能餐廳很爆啦.
Book哂酒店, book埋餐廳, 就出發前一天收到上葡京電話顯示, 我身處香港正在忙碌中, 所以miss call, 於是我用返之前同酒店對話嘅email, 回覆酒店問致電原因, 之後無老鍋
餐飲部副經理email回覆, 原來是想double confirm booking, 於是我就reply係confirm的。
滿心歡喜去到澳門上葡京一到步就是排隊check in, 排了20分鐘左右, check in職員相比其他澳門酒店只是普通很基本服務, 並不知道也沒有提及我是來慶祝結婚周年, 非常簡短流程, 就話電腦系統出問題, 所以未出到房咭, 只寫了個reference number叫我一個半鐘頭再返去。
唯有去食野先, 再返去攞房咭。
再回去攞房咭時, 並沒有什麼特別安排, upgrade房?沒有啦, 我也覺得如果有都係special, 入到房間床上沒有結婚週年毛巾佈置, 當然什麼蛋糕仔, 生果?都係冇啦, 咭仔都冇張。
其他酒店(十六蒲, 新葡京, 美獅MGM, Holiday Inn, 巴黎人也好etc…)就算生日, 職員都會主動提出講生日快樂, special cake or生日咭/生果。我係見到其他酒店職員會有份工作喜悅, 會同你一齊開心的。上葡京完全沒有, 感受不到職員那份熱情。
之後三點幾, 來電顯示上葡京又打來, 一聽又是無老鍋職員打來話想confirm booking, 唉😮💨我咪在香港一早已email回覆了無老鍋副經理我係confirm 囉。可見完全沒有溝通。
5pm準時去到無老鍋, 以為好爆啦。晚餐我要book到5:00pm咁早, 打咁多次黎confirm, 仲要限時90分鐘。
點知事實原因係人手不足, 只開了一邊場, 沒有開哂整間舖, 好多枱都係吉的。食到急急腳離開😌
咁早慶祝完所謂嘅周年紀念晚餐, 就在酒店行下, 結果人流非常稀少, 好多舖位沒有租出, 白色封板, 完全沒有氣氛。
第二日去自助山食早餐buffet, 更令我極之失望, 有一點氣憤。事情係去到煎蛋區, 高帽大廚態度甚差, 他完全沒有指示如何揀選奄列配料, 語氣態度非常差, 命令式叫我自己用匙羹揀完放嗰度, 請看圖片。基本上三個廚師都很差。煎太陽蛋嗰度更要自己拗手入去拎。整個早餐體驗非常不理想, 餐廳食物佈局種類鋪排不一, 呢度一啲, 嗰度一啲。其實所有沙律可以放埋一齊, 西式嘅嘢都可以放埋一齊。
雖然我只是一個微不足道的個別客人,但我真的希望酒店真係要去提升及檢討, 一個綜合度假村係環環相扣的, 請不要浪費這麼好的上葡京酒店硬件。所有員工服務必須提升。


Übersetzen